Kasalabecca
Nnalulungi obutondeNnalulungi yeesowoddeyo ataase obutonde
PRISCA Nakandi, 19, eyavuganyizza mu mpaka za Miss Africulture Uganda, n’akwata ekyokubiri, akulembeddemu abavubuka okulwanirira obutonde bw’ensi n’obuwangwa.
Nakandi
By: Bukedde Omusunsuzi, Journalist @NewVision
PRISCA Nakandi, 19, eyavuganyizza mu mpaka za Miss Africulture Uganda, n’akwata ekyokubiri, akulembeddemu abavubuka okulwanirira obutonde bw’ensi n’obuwangwa. Ono era yavuganyizza ne mu mpaka z’obwannalulungi w’ebyobulambuzi ow’Essaza Kyaddondo 2026, n’awangulayo engule ya Miss Popularity ne Best Mobilizing Queen Kyaddondo.
Agamba nti, empaka z’azze yeetabamu ez’enjawulo, zimuwadde amaanyi n’okuzibuka amaaso eri obulungi bw’okukuuma obutonde bw’ensi n’abantu okwagala ennono zaabwe.
Ayagala kwesigama ku butonde n’ebifo by’obulambuzi eby’enkizo, okutuukiriza ekirooto kye, eky’okukuuma obutonde bw’ensi mu Uganda n’okukuuma ennono n’obuwangwa bwa Uganda. Agamba nti, singa abantu naddala abavubuka beenyigira mu bintu ebikuuma obutonde, emitawaana mingi gisobola okwewalibwa era asazeewo okukulemberamu abavubuka, okukituukiriza