Ssenga

Abasajja balangidde abakazi ababasiba ekiwaani

ABAKYALA kirabika tulina okwongera okwebeereramu! Ku Lwokubiri oluwedde,m  twalabye Joel ne Fred bwe bansazeeko ne bantuma mbagambire ku bakyala ababasiriba mu kitanda abamu ne batuuka n’okumala wiiki, abalala ssabbiiti bbiri, omwezi n’okusingawo nga bali ku ‘Apaana kombya’. Abaloodi bano tebaakoma awo, baakwata ne ku  bamadaamu abongedde okufuuka bannabukalu. Bwe nnagenze mu maaso okuwuliriza amaloboozi ge nnakwata ku ssimu baayogedde nnyo ne ku nsonga y’okubasiba ekiwaani ky’okutotobaza mu nnagundi era baatandise bwe bati:Joel: Abakazi Sandra tetukyabategeera!

Sandra Munnakibuga
By: Bukedde Omusunsuzi, Journalist @NewVision

ABAKYALA kirabika tulina okwongera okwebeereramu! Ku Lwokubiri oluwedde,m  twalabye Joel ne Fred bwe bansazeeko ne bantuma mbagambire ku bakyala ababasiriba mu kitanda abamu ne batuuka n’okumala wiiki, abalala ssabbiiti bbiri, omwezi n’okusingawo nga bali ku ‘Apaana kombya’. Abaloodi bano tebaakoma awo, baakwata ne ku  bamadaamu abongedde okufuuka bannabukalu. Bwe nnagenze mu maaso okuwuliriza amaloboozi ge nnakwata ku ssimu baayogedde nnyo ne ku nsonga y’okubasiba ekiwaani ky’okutotobaza mu nnagundi era baatandise bwe bati:
Joel: Abakazi Sandra tetukyabategeera!

Gye mukomye okutuvuma nnyo mbu simanyi tetukyayaka, twafuuka ssasi limu, bulijjo si bwe mbeera n’ebirala, naye nammwe mususse okubeera abakalu bwe kkalu mu
nnagundi! Kati mwafuuka ba kunywa na kwesonseka obuleeta ‘Amaadi’ olwo bwe bugaba manya okuseereza erigenda egindi ne mwefuula ab’ekitalo. Bino sandibyogedde kuba bagamba nti eby’omu nju tebitottolwa naye lumu madaamu yankaayuukira mu kisenge nange ne nneesikamu. Kirabika yali amaze okweseetiinga ate nze ne nsooka nnumba ekinaabiro. Omanyi n’omala omusemberera nga toli ‘clear’ yinza okukuyisaamu eggaali nti ‘saagala bajama kunsemberera’.
Nnyini mmaliriza okunaaba nzizaako okulongoosa akamwa, yankuba oluba nti ggwe Joel kiki kyoliko... oli mu kuziringitanira eyo nze ndi mu kukala (okutegeeza nti bye yataddeyo okuleeta amaadi bikala). Nnapapa akasenya kwe nnali nteeka Cologate ne nsuula eri ne neeyokya obuliri. Olowooza saakoma ku munaabo, ddala bye yali ankaayuukira nti akala nasanga akaze ate olwo ne yeefukulula mbu eyo ‘Chapter nagiggaddewo dda. ‘
Fred: Mu bino bye twagala okuva ku mukalo olye ku ‘fresh’, Sandra nnina  ddeemu gye nnakolako omukwano mu kifo we nkolera ng’ekigendererwa ya kugikavvula. Engeri ennaku zino gye tutakyayagala nnyo bya kutwetolooza mbu tukwana omukazi nange teyampanvuya nnyo. Yali mu myaka 38 ng’alabika bulungi, aliko nnyunnyu oba liyite ebbeere erinyuma okunuuna nga ne nyashi olozoolera n’otendereza Omutonzi eyawunda. Nzijukira lwali Lwamukaaga nga tukkaanyizza okubaako we tusisinkana, nga tutuuse mu kifo buli omu yalabika nga yeesunze munne ebitagambika. Ku olwo nnagaana eby’okunfumita mbu twekebeza musaayi ne mmugamba nti nze nnayise ne kondomu zange. Mu kumaliriza okumutema sippeeya nnagezaako okumussa mu mmuudu naye egindi nga siwulirayo ‘kusaanuuka’ kwonna! Sandra omanyi okwesogga eddungu ate nga nnali nkoze buli kimu., Bwe yandaba nga ntunula binsobedde kwe kwewozaako mbu nze mbeera njagala layivu, bino ebya kondomu binkaza era tetwagenda wala. Twavaayo ambuuza oba mmukyaye nga bwe mmugumya nti tewali buzibu. Ennaku ezaddirira ddeemu yatandika okunneewala ndowooza ng’awulira okuswala! Awo Sandra we mutuuse, mufuuse ddungu aba abakyala batubuulire ekibatuuseeko. Wiiki ejja lindirira abasajja bwe bakooye eby’okudeddereza.

Tags: