Omusinga wa Rwenzururu, Mumbere nagaruka omubusinga eriizooba.

N’ebya John Thawite na Samuel Amanyire

KASESE

Abantu b’omu kyanga ekya Kasese bategyeriize n’ekihika ky’amaani Omusinga wa Rwenzururu, Charles Wesley Mumbere orikugaruka omu kicweka eki eriizooba.

Enkuyanja y’abantu baheerize kweshuka ahanguuto n’omu tauni zitari zimwe ez’omu disiturikiti ya Kasese kubaasa kutangiirira Omusinga waabo.

Abantu abaingi abu twagambaho nabo baagira ngu bakaba bahwire amatsiko g’okugaruka kureeba aha musinga waabo ahuriire.

Omusinga wa Rwenzururu, Charles Wesley Mumbere n’abakumi be barikurenga 200 ab’omubusinga bakakwatwa basindikwa aha rumanda omu kihome kya gavumenti ekya Kirinya ahabiro 16/11/2016 aha mishango y’obwitsi, obuhekyera hamwe n’okwibisa embundu. 

Beitu hoona, emishango egi yoona eizire yabihwaho omwaka ogu nikwo kumwikiriza kugaruka Kasese omurundi ogundi.

Okurugiirira ahari ceeyamaani w’akakiiko akarikuteebekanisa okugaruka kwa, 
Dr Nathaniel Mumbere Walemba, Omusinga naija kwizira omunyonyi n’abandi ab’obushoborozi b’omubusinga.

 “Omusinga naija kwizira omunyonyi kuza Kasese shaaha nka 5 z’akasheeshe kandi naija kwakiirwa abakuru omubusinga hamwe n’abandi bagyenyi bakuru.

#WestUpdates