Omwe ateirwe enkuba yaafa, 4 bahutaara- Oyam.
N’ebya Hudson Apunyo
OYAM
Enkuba eteire yayita omuntu omwe yagaruka yahutaaza abandi bantu 4 omu disiturikiti eya Oyam.
Abateirwe enkuba babaire barundaniire omu maka ga Peter Ogwal Elia kuteebekanisa okuziika omukazi we, Erin Ogwang, ofiire Orwakataano rwa wiiki ehwaire.
Amakuru nigoreka ngu Geoffrey Agwa orugire omugomborora eya Abok kwija kwinamira nyinento niwe ateirwe enkuba akafa.
Abahutiire bamanyirwe nka; Peter Ogwang Elia- owabaireho ceeyamaani w’egomborora eya Otwal, omuramu Agnes Owino, Daniel Okello hamwe na Bosco Obonyo.
Ceeyamaani w’egomborora eya Aleka, Isaac George Abong, naagira ngu eki kibaire omu muruka gwa Agwa ahari shaaha nka 6 z’eihangwe.
Abong naagira ngu abereebire nagabo bareebire nk’omupiira gurikwaka omuriro nikwo kubaruka abantu 5 bakagwa ahansi.
Abahutiire babaire batarikumanya ebyeruguru kandi bairukangiziibwe omu kiriniki y’ahaihi kandi Agwa afeeriireho.
#WestUpdates
No Comment