Omwe afeeriire omuri butandu aharwa Kampala-Jinja.

N’ebya Charles Etukuri

BUIKWE

Omuntu omwe afiire, abandi baingi bahutaara kandi amatungo agarimu ente, entaama n’embuzi zaafa obu emotoka ei babaire barimu kutomerana buso bw’antaama n’emotoka endiijo eya trailer omuri Lugalambo omu disiturikiti eya Buikwe aha ruguuto orwa Kampala-Jinja.

Hellen Butoto, Omugambirizi wa Pooriisi ahabw’ekyanga ekya Ssezibwa naagira ngu butandu egi ebaire erimu emotoka ya FUSO ehandiikirwe omunamba eya UBM 519B ebaire eheekire ente, embuzi n’entaama etomeriine n’emotoka endiijo eya namba UBK 223H.

“Omuntu omwe ahamiibwe kufa afiire n’abandi baingi baatunga obuhuta. Amatungo mingi agabaire gari aha motoka egi nago gafiire ahabw’abutandu egi ebaireho shaaha nka 10 z’omwabazyo gw’orw’okubanza, “Butoto arikushoborora.

Ahituhandikiire amakuru aga, emitumbi y’amatungo agafiire ebyamiriine aharubaju rw’enguuto kandi abantu abahutiire bairukangiziibwe ah’eirwariro erya Kawolo kuragurirwa.

Butoto naagira ngu okucondooza omunshonga egi kuriyo nikugyenda omu maisho kubaasa kumanya ekirugiirireho butandu egi.

#WestUpdates