Omu Pooriisi ashangirwe afiire bwanyima y’oku bettinga shs.800,000.

N’ebya Simon Masaba

MUKONO

Omu Pooriisi abaire nakora na Kisoga Police post barracks omu disiturikiti ya Mukono ashangirwe afiire omu kaju ke omu wiikendi.

Okufa kwe kwizire kumanywa bwanyima y’okuhurira ekinuuko kirikuruga omunju ei abaire nararamu ekigyemeseriize batahi be kuhenda orwigi bakataahamu.

Omugyenzi amanyirwe nka; Hussein Saddick Baguma, orikugambwa kuba ayangire kuheereza omusibe esente ze ezirikwingana shiringi 800,000 nikwo kusharamu kuzibiika kuzikoresa ebye.

Nikigambwa ngu esente ezi ezitwire yazita omu ba bettinga.

Ahabw’okuremwa kugaruzaho esente ezi, Baguma nagambwa kuba atandikire kuteerera abanyabuzaare be esimu arikubashaba kumuhwera kutunga esente ezo.

Okurugiirira aha muhwezi w’omugambirizi wa Pooriisi ahabwa Kampala n’emyanya egiheeriire, Luke Owoyesigyire- Baguma agumizemu yatandika kutinisiriza abanyabuzaare be tibarikwija kugaruka kumureeba baaba batamuhaire esente ezo.

Arikugambaho n’abanyamakuru aha kitebe kikuru kya Pooriisi omuri Naguru, Kampala, Owoyesigyire yakyoreka ngu okucondooza omu kirugiriire okufa kwa Baguma kuriyo nikugyenda omu maisho.

#WestUpdates