Akaruuru k’okutoorana omuny’ishengyero-kazi wa Dokolo nikateerwa nyencakare.

N’ebya Omushaki weitu

DOKOLO

Akakiiko k’eby’oburuuru nikagira ngu buri kimwe kyona kyahwire ahabw’akaruuru k’okugarukamu kutoorana omuny’ishengyero-kazi wa disiturikiti eya Dokolo. 

Akaruuru aka nikaija kuteerwa nyencakare Orwakana ebiro 21/03/2024.

Eki nikijaho bwanyima y’abetsimbireho 5 kuhendera kampeyini nyomwebazyo Orwabakiri.

Orikukurira eby’okuteeza akaruuru omuri Dokolo, Steven Ngabo naagira ngu okuronda akaruuru (Kampeyini) kuhendiire gye kandi aine amatsiko mingi n’akaruuru nikaija kuba ak’eihoreere.

Omugambirizi wa Pooriisi, Fred Enanga nawe naagira ngu nka Pooriisi, betebeekaniise kureeba ngu eby’okwerinda byayongyerwamu amaani omu kuteera akaruuru nikwo kushaba abetsimbireho n’abashagiki baabo okukuratira ebiragiro.

Entebe y’omuny’ishengyero-kazi wa disiturikiti eya Dokolo ekasigaramu busha bwanyima y’okufa kw’owabaire agirimu Cecilia Atim Barbra Ogwal ahabiro 18/01/2024. 

Abantu 5 abetsimbire omu karuuru aka barimu; Dr. Alwoc Ogwal (FDC) muhara w’omugyenzi Cecilia Ogwal, Sarah Aguti (UPC), Harriet Ageno (NUP), Janet Adong (NRM) na Esther Akullo otaine kigombe eki aiziiremu.

#WestUpdates