Eby’okwerinda byongiirwemu amaani ahansharo ya Uganda na DRC.

N’ebya Omushaki weitu.

Pooriisi n’ebindi bitongore by’okwerinda byongiire amaani omu by’okwerinda ahansharo eya Uganda na Democratic Republic of Congo bwanyima y’okwita omwe aha baduumizi b’abahekyera ba ADF omu wiikendi omanyirwe nka Bagdad.

Fred Enanga, Omugambirizi wa Pooriisi naagira ngu eki kigyenderiire kutangira okutaahirirwa kw’abahekyera ba ADF kwona okwakubaasa kubarukaho omu kwenda kuhoora enzigu bwanyima y’okwitwa kw’omuduumizi waabo.

Ebi abigambiire omu rukiiko rw'ebitongore by'okwerinda orw'amakwatane orwa buri wiiki orubaire aha kitebe kikuru kya Pooriisi omuri Naguru, Kampala aharw'okubanza ebiro 08/04/2024.

Enanga nashaba ebitongore byona eby’okwerinda n’abantu boona okutwariza hamwe okuza aha buzoora maisho kureeba ngu tihaine muhekyera weena owataaha omu Uganda.

#WestUpdates