Sadio Mane kwegaita ahari Cristiano Ronaldo.

Sadio Mane kwegaita ahari Cristiano Ronaldo.

N’ebya Andrew Tushabe

Omuteebi wa tiimu y'omupiira gw'ebigyere ey'abashaija ahabw'eihanga rya Senegal, Sadio Mane amazire okukyeberwa omubiri omuri Dubai. 

Bwanyima ya kiraabu ya Bayern kuta omukono ahabihandiiko, ogu naija kwegaita ahakiraabu ya Al Nassr, ei omuzaani rurangaanwa Cristiano Ronaldo, arikuzaaniramu omuri Saudi Arabia. 

Bwanyima y'obutaikirizana n'okutambikirana ebigambo n'omuzaani mutaahi we, Leroy Sane, Bayern Munich bakabinga Mane aha tiimu kumara emizaano mikye nikwo kucwamu kumuguza. Kandi omumagingo ago niho kiraabu ya Al Nassr yabahikiririire erikumwenda.

Mane, 31, naija kugurwa miriyooni 35 za pawundi kandi naija kuba natunga omushaara gwa miriyooni 34 za pawundi buri mwaka.

Mane yaayoreka okushaasha kwe agumize ngu okuruga omuri Bayern Munich omumuringo nk'ogwo nikimushaasha. "Nkaabeire ninyenda kuruga omukiraabu egi omumuringo ogundi. Nimanya ngu mbeire nimbaasa kuhwera tiimu siizoni egi. Kwonka ninyendeza kiraabu n'abahagizi ebirungi byonka omumaisho," nikwo Mane agambeire ab'amakuru omuri Germany.

Ogu naija kuba aine Ronaldo omumaisho barikusherurira Al Nassr amagoora.

#WestSports 
#TransferNews