Enkuba eitsire abeegi 2- Amuria.

N’ebya David Stanley Ebele 

AMURIA

Enkuba eteire yayira abeegi 2 abarimu omwegi wa P.7 w’eishomero erya Okamar Primary School omu muruka ogwa Katine omu gomborora eya Abarilela omu disiturikiti eya Amuria.

Abereebiire n’agabo nibagira ngu eki kibaireho obu enkuba eteire aha mwanya gw’omududumo omu kyari ekya Abul ahi abaana aba 2 babaire bagiire kutaha amaizi.

Ab’obushoborozi bagambire abeegi abafiire nka; Apolot Phoebe, omwegi wa P.7 hamwe na Onyait Boniface, omwegi wa P.4 ow’eishomero niryo rimwe.

Amakuru aga gahamiibwe Kansara w’omuruka gwa Ocal,  Cyrus Apuda obu abaire nagambaho n’orupapura rw’amakuru orwa New Vision omu eihangwe gw’orw’okubanza.

Kuruga omwaka ogu ogwa 2023 gutandika, enkuba eisire abantu barikurenga 8 omu eihanga ryona.

Aha biro 05/09/2023, haakabaho akahuruko omu disiturikiti eya Yumbe bwanyima y’enkuba kuteera ekaita abaana 2. Eki kikaba omu kyari Indriyo omu muruka gwa Paladru omugomborora eya Drajini. Ah’eizooba niry rimwe, enkuba nabwo ekateera yayita omwana w’emyaka 16 omu rurembo orwa Lira.

Ahabiro 16/03/2023, abantu 2 b’eka emwe omu disiturikiti eya Rukungiri bakafeeraho bwanyima y’okuteerwa omurabyo n’enkuba bakafeeraho.

Omugambirizi wa Pooriisi ahabw’ekyanga ekya Kigezi, Elly Maate, akagamba abagyenzi nka; Enoth Tukwasibwe, 30 hamwe na nyina Jolly Baryakabuza, 75, bombi abari abatuura b’omu kyaro ekya Keita omu gomborora eya Bugangari.

Ahabiro 12/03/2023, abatuura omu kyaro ekya Rwamuyoora omu disiturikiti eya Rubanda, bakacuramirirwa bwanyima y’enkuba n’omurabyo kwita abantu 3 abarimu omushaija n’abatabani 2.

Eki kikabaho omunjura eyabaire neegwa omu kyaro kya Rwamuyoora omu gomborora eya Muko.

Okurugiirira aha kihandiiko ekyashohoziibwe omugambirizi wa Pooriisi ahabw’ekyanga ekya Kigezi, Elly Maate- akagamba abateirwe enkuba bakafa nka; Ambrose Kanunu, 35, hamwe n’abatabani 2 abarimu; Justus Asiimwe, 7 and Arnold Habomugisha, 5.

#WestUpdates