Amasiro ga muganzirwazza gatikusseeko akasolya mu nkuba eyafudembye

Amasiro ga Namasole Muganzirwazza e' Kazzo mu munisipaali y'e Nansana eyali maama wa Ssekabaka Muteesa I gatikusseeko akasolya mu nnamutikwa w'enkuba eyabaddemu kibuyaga eyafudembye olunaku lw'eggyo n’aleka nga akasolya kali ku ttaka , ekirese abagalabirira nga beewunaganya eky’okuzzaako.

Mugoowa Ng'alaga Ebimu Ku Bintu Bye Baasobodde Okutaasaawo.

Ebintu bingi eby'obuwangwa okuli embugo byayonooneddwa enkuba nga kati n'ababadde basula mu masiro gano tebalina waakuteeka luba. Amasiro agaattikkuseeko akasolya ga Damalie Nakazzi Muganzirwazza eyali maama wa Ssekabaka Muteesa I asooka.

Christine Nabyenge Namasole aliko mu kiseera kino yategeezezza nti amasiro gano gabadde gaafuuse ganyegenya kubanga g’azimbibwa dda nnyo ku mulembe gwa Ssekabaka Muteesa nga gabadde geetaaga kuddaabirizibwa.

Ono yayongeddeko nga bwe baludde nga beekolamu omulimu be baddaabirizaako ebisenge ebimu wabula olw'obufunda bw’ensawo tebasobola kukola kintu kiri ku mulembe.

Wano we yakowooledde Obuganda okubayambako basobole okuganzaawo kubanga kati basula mu mpewo.

Ssozi mugoowa Ssekandi omu ku bazzukulu abalabirira amasiro gano yategeezezza nga ennyumba eno mwe baganzika Namasole Namazzi bw’ebadde ejjudde enyaafa ennene nga nezimu kumbaawo zonna zakadiwa era enkuba bweyayitiridde yamenye mu jjenje kkalu .

Ono yayongeddeko nga bwekyenyamizza ennyo eri Obuganda okulaba nga eyali maama wa Ssekabaka Muteesa I amasiro ge gali mu mbeera mbi ate nga bamubulamu ebizimbe ebitemagana kw’ossa n'enguudo ennungi .

Bano baagala gaddemu gazimbibwe buggya kubanga ebisenge byonna bibadde byajjula dda eyafa ennene nga n'ebisenge babitegesa nkondo.

Wano we baakoowooledde Obuganda bwonna ssaako n'abantu bonna abaagaliza Buganda ebirungi okubakwasizaako okusobola okuzzaawo amasiro gano.