Akabenje k'e Nakasongola kasse 4

Bya Godfrey Kigobero

Abantu bana bafudde n'abalala babiri ne baweebwa ebitanda mu kabenje akaagudde 
e Nakasongola ku luguudo oludda e Ggulu.

Akabenje Kano  kagudde ku kyalo Nkyankonwa mu  kabuga k'e Katuugo e Nakasongola leero, ne katta bana.

Abafudde kuliko Victoria Nalubwama, Barnard Ntege, Manuel Nyakato ne Emannuel Isingoma ate ddereeva n'omulenzi omu ne balumizibwa bya nsusso.

Kyaddiridde loole Tata  nnamba UBB 736 C okwonookera mu kkubo era ne bassaawo ebirabula ku buzibu buno.

Kigambibwa nti mmotoka UAM 930 P, kamunye eyabadde eva e Gulu , yayingiridde Tata n'etta bana.

Omwogezi wa poliisi mu Savana, Sam Twineamazima agambye nti emirambo gy'atwaliddwa mu ggwanika ly'eddwaaliro e Nakasongola ate abaalumiziddwa ne baweebwa ebitanda e Mulago ng'okunoonyereza kukolebwa.