Paapa Francis asiimye Pulezidenti Museveni

PAAPA Francis asiimye Pulezidenti Museveni wamu ne sipiika wa palamenti Anita Annet Among olw’okuuma empisa ez’obuntu mu Bannayuganda .

Kiddiridde Sipiika Among okugenyiwalako e Vatican mu Rome ku Lwokutaano ng'eno Paapa yamutegeezezza nga amaka bwe guli omusingi ogukuuma empisa mu bantu nga n’olwekyo balina okufuba okulaba nga Bannayuganda baguyimirirako.

Yamukuutidde okukuumira bannansi mu ddiini era n'asiima Uganda olw’obugenyi bwe baamuwa bwe yajja kuno.

Akuutidde Palamenti okubaga amateeka agagasa abantu , okufaayo nnyo okulaba nga bannansi bafuna ekyo kye bateekeddwa okufuna era kye basuubira mu Gavumenti.

Asiimye Pulezidenti Museveni olw’okufaayo ennyo ku ddembe ly’abantu n’okulaba nga Uganda y’emu ku nsi ezisinga okubudamya ababundabunda.

Yayozaayozayozezza Pulezidenti wamu ne Maama Janet Kataha okutuuka ku bikujjuko bya Jubireewo (emyaka 50) mu bufumbo obutukuvu era n'amwebaza okubeera omusaale mu kulwanyisa ekirwadde kya COVID 19.

Guno omulundi gwakusatu nga Sipiika akyala e Vatican.