Amawulire
AINE Sodo Kaguta eby'okuteesa abigaanyi ayagala omusango gwebaamuloopa gugobwe
AINE Sodo Kaguta muto wa pulezidenti Museveni agaanye ebyokuteesa ne munnamateeka Jet Tumwebaze ,agambye Jet oba ayagala agyeyo omusango bwalemwa battunke mu kkooti.
Aine Sodo ng'awera obutateesa ne Jet Tumwebaze
By: Margret Zalwango, Journalist @New Vision
AINE Sodo Kaguta muto wa pulezidenti Museveni agaanye ebyokuteesa ne munnamateeka Jet Tumwebaze ,agambye Jet oba ayagala agyeyo omusango bwalemwa battunke mu kkooti.
Babadde bakomyewo mu kkooti omulamuzi Benald Namanya n'abagamba basobola okuteesa ne bakkaanya mu kiseera ky’abawadde kubanga nakyo kikkirizibwa.
Abagambye kirungi okuteesa kyokka bwebanaalemwa bakomewo mu kkooti nga November 24, 2026 okuwulira obujulizi kutandike.
Oluvannyuma lwa kkooti Sodo ategeezezza nti Tumwebaze kyalina okukola kuggyayo musango ng’omuwaabi kye kyokka kubanga ensonga zawaaba temuli ggumba ate talina bujulizi.
Jet Tumwebaze eyawaabira Sodo ng'awera
Oluvannyuma lwa kkooti Sodo ategeezezza nti Tumwebaze kyalina okukola kuggyayo musango ng’omuwaabi kye kyokka kubanga ensonga zawaaba temuli ggumba ate talina bujulizi.
Kyokka Tumwebaze naye aweze nti tayinza kugenda mu nteseganya , nti mu kiseera kino tayinza kuteesa ng’abantu be bakyanyiga biwundu olw'obuvune obwabatuusibwa mu kalulu nga n’abamu baafa.
Omulamuzi era abagambye waakuwa ensala ye nga November 23, oba akkiriza Tumwebaze okwewolereza .
Omulamuzi era abagambye waakuwa ensala ye nga November 23, oba akkiriza Tumwebaze okwewolereza .
Sodo ng'ava mu kkooti
bannamateeka ba Sodo baasamu okusaba nga bagala kkooti egaanye Tumwebaze okwewolereza nti kubanga yawaaba, ye mujulizi n'olwekyo tayinza kubeera looya mu kiseera kye kimu.
Jet yawaabira Sodo ng’awakanya obuyigirize bwe bwagamba nti tasaanidde kubeera mu palamenti ngalina biwandiiko bya senior six byokka awatali wadde okubaako obukugu obulalal bweyafunamu ebbaluwa.