Bakutte abasawo n'omuserikale ku by'okubba eddagala lya gavumenti

Ab'ekitongole ekivunaanyizibwa ku mutindo gw'eddagala mu ggwanga ekya National Drug Authority nga bali wamu ne poliisi mu bitundu bya Rwenzori West, bakutte abantu 7 mu kikwekweto ekigenda mu maaso eky'okuyigga ababba n’okutunda eddagala lya gavumenti.

Ebikwekweto bino ebigenda mu maaso okwetooloola egganga byatandikira Kampala era kati byeyongedde mu bitundu ebirala okutuukiriza ekigendererwa ky'okukwata abo bonna abeenyigira mu muze guno.

Omuserikale Katuramu Eyakwatiddwa Poliisi

Kyatandikira Ntoroko oluvannyuma lwa ab'ekitongole okutemezebwako nti eriyo abatunda eddagala okuva ku ddwaaliro ly'e Bweramule Health Center III.

Abavunaanyizibwa baalondodde ne bakwata akulira eddwaliro Samuel Mwesigye, akulira awaterekebwa eddagala, Mary Mbabazi sako ne Alex Mbusa , omukozi ku ddwaliro lye limu nga ono yasangidwa alikukusa mu kabuga k'e Karugutu ng'aliggya mu maka ge gye yabadde alikwese.

Ezimu Ku Bbokisi Z'eddagala Ezaakwatiddwa.

Okusinziira ku mwogezi wa National Drug Authority, Abiaz Rwamwiri, Mbusa mu kukwatibwa eddagala erisinga lye yasangiddwa nalyo libadde lyaggwaako era olwabuuziddwa gye yaliggya n’alonkoma abantu b’abadde akolagananga nabo.

Kyawalirizza bano okugenda m umaaso okukwata owa store y’eddagala Mbabazi era mu kwaza baasanze nga eddagala eryasangiddwa nga likukusibwa lye limu n’eryo ery’akulira sitoowa.

Mbabazi yakakasizza nti eddagala erisinga baabadde balifulumya nga bagamba nti bagenda kugabira abantu mu byalo.

NDA ng’ekozesa bambega baayo yeeyongeddeyo e Kyenjojo gye baakwattidde abantu abalala bana okuli omuserikale ku poliisi y’e Kyenjojo AIP Kule Yusufu Katuramu, Denis Blessing abangi gwe bamanyi nga Denis Phamercuticals, Isingoma Isaiah ne Bwambale Tom.

Omuserikale ono okukwattibwa kyadiridde Tom Bwambale eyasoose okumulonkoma era Kule olwakwattidwa yakkirizza eky’okubeera mu lukwe.

Kyazuuliddwa nti bulijjo Denis abadde yeeyita ky’atali nga abuzaabuza abantu nti musawo era akolera ku ddwaliro ly’e Buhinga e Fortpal. Kigambibwa nti ono abaddenga avuga eddagala lino nga alitambuza ku bbooda okulitwala mu bitundu nga Kitagwenda, Kyegegwa ne mu byalo eby’ewala mu ngeri emenya amateeka.

Eddagala eryasangiddwa nga likukusibwa e Ntoroko mulimu emikebe gya ARVs 10, Anti-malarial 80, test strips eza HIV 100 n’eza Hepatitis B, obudomola 12 obukozesebwa mu kkeberero/labalatole ate nga bbookisi z’eddagala eziwera 32 ze zaggyiddwa e Kyenjojo.

Abakwate bakuumirwa ku poliisi ye Rwenzori West mukibuga kye Fortpotal era bagudwako emisango egyenjawulo omuli okubba ebintu bya gavumenti nga babikozesa mubutali bwelufu,okulagajjalira emirimu,nemilala.

Eddagala eribalirwamu obukadde 300 ryelikwattidwa mukikwekweeto kino era balabudde abantu okuleka emize nga gino ekiviirako abantu okukosebwa kubulamu bwabwe oluvanyuma lw’okukozesa eddagala naddala eribeera liweddeko.