UTOF ewadde ttakisi ezitikkira ku nguudo nsalessale

SSENTEBE w’ekibiina ekitwala ttakisi mu ggwanga ekya UTOF, Rashid Ssekindi
awadde baddereeva abatikkira ku nguudo z’omu Kampala ennaku musanvu okuzaamuka.
Yagambye nti, KCCA yawadde UTOF obuyinza okutereeza n’okuddukanya omulimu gwa ttakisi mu Kampala ng’ekimu ku bye yalagidde bakole, ttakisi zonna zidde mu ppaaka.
Yabyogeredde mu lukuh− haana lwa baddereeva ne bakondakita abakolera ku nguudo omwabadde abakolera ku; Mini Price, Ben Kiwanuka, Burton Street, Pioneer Mall, City
Square, Kampala Road, Jinja Road, Equatorial, Queen’s way n’ebitundu ebirala olwatudde ku kitebe kya UTOF ku Nalubwama Arcade.
Wabula omu ku bakulira abakolera ku nguudo, Abubaker Bule bino yagambye nti eky’okuggyawo ttakisi ezitikkira ku nguudo tekijja kusoboka kubanga bangi ababadde mu bukulembeze bwa ttakisi baakigezezzaako ne kibalema.
Ssekindi yagambye nti, ebikwekweto by’okugogola Kampala n’enkingizzi z’ekibuga bigenda kutandika ekiseera kyonna nga bijja kukolebwa abakulembeze b’abattakisi, KCCA n’ebitongole by’ebyokwerinda.
Hakim Kakooza omu batikkira ku nguudo yasabye babaweeyo emyezi ebiri