Abasajja 4 abagambibwa okutta Kagezi basimbiddwa mu kkooti
ABASAJJA bana abagambibwa okutemula eyali omuwaabi wa gavumenti Joan Kagezi basimbiddwa mu kkooti e Nakawa ne basomerwa emisango egy’obutujju n’okutta omuntu, babiri ku bbo babadde baasingibwa emisango gy’obutujju n'okubbisa eryanyi.
Abamu ku basajja abali ku misango gy'okutta Joan Kagezi nga bali mu kaguli ka Kkooti e Nakawa.
Bya Edward Luyimbaazi
ABASAJJA bana abagambibwa okutemula eyali omuwaabi wa gavumenti Joan Kagezi basimbiddwa mu kkooti e Nakawa ne basomerwa emisango egy’obutujju n’okutta omuntu, babiri ku bbo babadde baasingibwa emisango gy’obutujju n'okubbisa eryanyi.
Abasajja bano basimbiddwa mu maaso g’omulamuzi Elias Kakooza, akulira kkooti y'e Nakawa ne basomera emisango egyo era tabakkiriza kubaako kye bagyogerako kubanga mu kkooti ye babaleseeyo kubasomera busomezi misango gino okutuusa oludda oluwaabi lwe lunamaliriza okunoonyereza kwalyo.
Abamu Ku Ku Booluganda Lwa Joan Kagezi Nga Bali Mu Kkooti E Nakawa.
Okusinziira ku ludda oluwaabi olukulembeddwa, Thomas Jatiko ne Lilian Omara Alum kigambibwa nti Kisekka, Kibuuka Mugonole n’abantu abalala abatannakwatibwa nga March 30, 2015 e Kiwatule mu munisipaali y'e Nakawa e Kampala nga bakozesa ekikolwa eky'obukambwe mu bumenyi bw'amateeka batta Joan Namazzi Kagezi eyali omumyuka w'akulira Ssaabawaabi wa Gavumenti.
Era abasajja be bamu abo n'ekigenderwa ky'okutiisatiisa gavumenti wamu n'abantu nga bayita mu byobufuzi, ebyediini , ebyenfuna oba embeera z'abantu nga tebafudeeyo ku bulamu bw'abantu abalala mu bugenderevu benyigira mu kikolwa ky’okutta Joan Namazzi Kagezi eyali omumyuka waakulira Ssaabawaabi wa Gavumenti.