Abavubuka 3 abaakwatibwa ku by'okukozesa olulimi oluvvoola n'okuwemulira ku yintaneeti baakutwalibwa mu kkooti

ABAVUBUKA basatu abagambibwa okukozesa olulimi oluvuma, olulengezza, oluvvoola n'okuwemulira ku mikutu, baakutwalibwa mu kkooti ekiseera kyonna ku misango egy'enjawulo.

Bano kuliko Julius Tayebwa 19 ow'e Mubende , David Sengozi amanyiddwa nga Lucky Choice 21 ow'e Wakiso , Misaya Sekagiri 21 ow'e Gimbo mu Wakiso era ng'okubabuulirizaako kugenda mu maaso.

Amyuka omwogezi wa poliisi mu Kampala, Luke Owoyesigyire, agambye nti , bano babadde bavvoola abakungu mu gavumenti n'abantu ssekinnoomu era n'alabula abalala okukikomya.