Atawanyizibwa ekirwadde kya sickle cell ebya P7 abiwuuse buva

Okuva obuto nga Rhoda Victor Mulamuzi ekirwadde kya sickle cell kimugoya era ebiseera ebisinga abeera mu ddwaaliro. Wabula yadde ng’abeera mu bulumi, Mulamuzi afaayo nnyo okusoma era ebibuuzo by’ekyomusanvu bye yatuula mu 2024 yabiyitidde waggulu bwe yakoonodde obubonero 11 n’abeera mu ddaala erisooka. Mulamuzi abadde asomera ku Najja Modern primary school e Busaabala.

Mu biseera by’ebibuuzo, Mulamuzi yali yeeraliikirira ng’atya obulwadde okumukuba wansi naye Mukama yawulira okusaba kwe era n’amutaasa. Teyafuna buzibu bw’amaanyi okuggyako ssennyiga. Mulamuzi ayagala kusoma busawo asobole okujjanjaba abaana abalina sickle cells. Era ayagala kubeera omulimi n’omutunzi w’emisono gy’engoye