Baddereeva ba Takisi basitudde enkundi ku bipapula ebibaweebwa

BA ddereeva ba takisi okwetoolola eggwanga basitudde enkundi ku bipapula bya poliisi y’ebiduuka bye balumiriza nti esusse okubibakuba nga tewali musango.

Ku Lwokutaano  ekibinja kyaba ddereeva abasukka 1000, balumbye offiisi za bakama baabwe abakulemberwa ssentebe waabwe Rashid Ssekindi n’omumyuka we Musitafa Mayambala ku kizimbe kya Nalubwama akeedi ne baabasaba baababulire oba bali mu lukwe ne poliisi okubakuba nga ebibapula ebye kifeere ng’ate tebalina musango.

“Omuntu bwabeera ng’awagira NRM tegubeera musango gwa kujoogebwa nga buli lunnaku nga bayisa olugayu mu mulimu gwaffe kubanga tumaze ebbanga nga poliisi y’ebiduuka esanguliza ebitoomi ku mulimu gwaffe naye nga tusiriise” Ba ddereeva bwe bategezezza.

Aba Taxi nga bali mu lukiiko

 Uburn Tuzarirwe ddereeva wa mmotoka ku Makerere siteegi yategezezza nti ensonga ye bipaula ebasusseko kubanga baabadde balwana kusasula bipapula  bikadde ebibadde ku mmotoka zabwe basobole okufuna nnamba za mmotoka empya ezaazze kyokka ate poliisi eringa eyekobanye okubibalemezaako.

“Nze katono mpunge bwenagenze okukeera ku Lwokubiri nga mmotoka yange erina ebipapula bya poliisi munana byonna biraaga nti byampereddwa mu kifo kye kimu, mu ssaawa ze zimu ate ku musango gwe gumu ekintu ekitasoboka” Tuzarirwe bweyategezezza.

Yagambye nti okumanya ebipapula bino bya kifeere wadde ku mmotoka yange byatereddwako Lwokubiri naye biraaga nti byafuluma mu August/2024 kyokka tekuli fayini eri mu mateeka omuntu gy’alina okusasula nga ennaku 28 ziyisseko nga tasasudde .

Abubakari Kasiramu ddereeva wa takisi era defensi mu ppaaka  mu Kisenyi Taxis parl, mmotoka yange No. UBD 372M, yalina ebipaula 15, naye bwe bagamba nti mmotoka erina ebipapula tegenda kufuna nnamba ya digito empya ne nsalawo mbisasule byonna era nasasulako ebipapula 12, omulundi gumu.

Ate ngenda okulaba nga mmotoka bagikubye ekipapula ekirala okutaliko  linnya lya ddereeva wadde omuserikale eyakinkubye. Naali ngenda mu ppaaka ya Kisenyi nga ntuuka ku poliisi ya Kampala mukadde akulira poliisi ku poliisi eno nankwata nti nsasule ebipapula bino ebibbiri ebubulaayo ne munagamba nti nsonyiwa nakasasula ebipapula 12, omulundi bya 1,150,000/-  omulundi gumu nagaana.

Bwenavudde wano nasasuddeko ekipapula ekirala kimu kyokka ate ku Lwokubiri nagenze okulaba nga mmotoka yange efunye ebipapula bibbiri omulundu gumu kyokka nga tekuli linnya lya ddereeva, pamiti ye wadde eryo muserikale eyabitukubye

Aba Takisi nga bali mu lukiiko

Olwo bulumi kyenvudde negagtta ku bannange tujje wano ku offiisi ya ssentebe waffe Ssekindi ne Mayambala batubulire oba batulyamu olukwe ne beekobana ne poliisi etutulugunye oba si kyekyo okutandika ne Mmande tugenda kupakinga takisi zaffe awaka okutuuka nga tusisinkanye Pulezidenti Museveni.

Ssekindi bweyayogedde bino ba ddereeva ne bekandaga ne bafuluma olukiiko ne bamulekamu ne bakulu banne ne baweera nti ketonye ka gwake ku Mmande tebagenda kujja  mmotoka waka.

            Ssekindi yagambye nti “Ensonga yaba ddereeva gye boogerako ntuufu era kino kya tandiika mu 2013, ku mulembe gwa Gen Kayihura ne yali akulira poliisi y’ebiduuka AIGP/ Styeven Kasiima.

            Basajja baabwe bwe batandiika okutukuba ebipapula ebyo ebye kiyaaye abakulira poliisi ne tugamba nti bagenda kubijja mu sisitiimu kyokka URA ne minisita y’eby’ensimbi ne bagaana  okubiggyamu aba poliisi abamu ne batuuka n’okuggya ssente kuba ddereeva baffe nti bajja ku bijjamu kyokka oluvannyuma  bakama baabwe bwe bazuula obufere obwo baabakyusa bukyusa okuva mu bifo byabwe.

            Ssekindi yagambye nti alina obukakkafu ku mmotoka eziweera ziyita mu buzibu buno kubanga alina ne mmotoka gy’amanyi bagikubye ebipapula musanvu mu kifo kye kimu, mu biseera bye bimu,  ku musango gwe gumu ekiragira ddaala nti bino poliisi ekola bya kiyaaye.