Owa ttulafiki eyatizeetize omukazi gwe yakutte asindikiddwa e Luzira

OMUSERIKALE wa ttulafiki eyeesozze mmotoka y’omukazi gwe yakutte ku musango gw’okumenya  amateeka g’oku nguudo kyokka n’adda mu kumutigaatiga, asuze Luzira.
SGT Richard Kasule, 39, okuva ku poliisi ya CPS, yasimbiddwa mu maaso g’omulamuzi wa kkooti ku Buganda Road, Ronald Kayizzi n’amusomera omusango gw’okugezaako okukwata omukazi omulamuzi n’amusindika ku limanda okutuusa nga April 28, 20 .
Oludda oluwaabi lwategeezezza nti Afande Kasule nga March 30, 2025 ku luguudo lwa Golf Course mu Kampala, yagezaako okukaka omukazi (amannya gasirikiddwa)
akaboozi. Kigambibwa nti omukazi yali avugira ku luguudo lwa Fairway we yasisinkanira omuserikale ono eyamuyimuliza.
Yamwekambuwalizaako nga bw’avuze obubi nti era yali awetedde w’atalina kuwetera. Mu mu kugezaako okwetonda, omusirikale yategeeza omukazi ono nga bw’amusonyiye wabula amufunireyo emitwalo 10, omukazi kwe kumugamba nga bwe yali tazirina
era n’amusaba akkirize emitwalo 2 gye yalina ku ssimu.
Nga mmaze okumuwa ssente, Kasule yamusaba pamiti kyokka mu kifo ky’okugimuddiza, yayingira mmotoka n’amuddiza ssente ze nga bw’amugamba nti, “Abakyala nga ggwe beetaaga abasajja nga ffe abakola mu poliisi nga w’afunira obuzibu ajja n’amutaasa.”
Bino byonna okubyogera ng’atandise okumutigaatiga ebisambi okutuuka mu bukyala
era mu kwerwanako, omukyala yamutegeeza nga bwe yali mu nsonga
wabula Kasule n’amulemerako nga bw’amukwatirira amabeere n’okumusaba ennamba y’essimu kw’anaamufuniranga.
Mu kwerwanako, omukazi yasimbula mmotoka anoonye w’afunir buyambi. Kasule yabissaamu obusungu n’amulagira okusiba mmotoka amusomere ennamba ye
y’essimu. Omukazi yategeezezzaako mukulu we ebyamutuuseeko ne bagenda
ku CPS ne baggulawo omusango era Kasule n’akwatibwa