MSGR. Expedito Magembe afudde ku myaka 89

MSGR. Expedito Magembe 89, ow’e Bukalango afudde. Cansala w’essaza ekkulu erya Kampala Fr. Pius Male Ssentumbe yeyakakasizza okufa kwa musajja wa katonda ono eyafiiridde mu ddwaaliro e Nsambya leero

Msgr Magembe ye yatandikawo ekifo kya “Bukalango Prayer Centre” yayatiikirira nnyo  mu myaka 2000,  abalokole bwe baali batandise okusikiriza abavubuka okuva mu Klezia olw’ensinza yaabwe ey’enjawulo erimu okusaba nga bayimba bwe bazina naye kwekwongeramu  amaanyi e Bukala

Ensinza ya Msgr Magembe eya Karismatiki yakwata nnyo abavubuka omubabiro, abakyala n’abasajja abalina ebizibu bwe yatandiika naye okutegekaawo okusaba okwokusimululwa okw’ekiro [Night prayers] mwabadde agobeera emizimu n’okusumulula abantu abagenzeeyo n’e bizibu byabwe buli omu naddayo ewuuwe nga mumattivu nti asumuluddwa

Amaze ebbanga ng’atawanyizibwa obulwdde obw’enjawulo  natwalibwako ne mu ddwaaliro lya Aga Khan Hospital e Nairobi mu Kenya era yasemba okulabikako mu lujjudde e Bukalango mu kusaba kwa  December,31,2024

            Cansala Fr. Male agambye nti Klezia egenda kusubwa nnyo Msgr Magembe kubanga abadde n’e kitone eky’enjawulo mu buweereza bwe.

Agambye nti Klezia mu kiseera kino tenaba kufulumya nteekateeka egenda okugobererwa mu ku muwerekeera.

            Msgr Wynand Katende yagambye nti musajja wa Katonda ono Msgr Magembe afudde awangalidde mu bunnaddiini ye era emyaka ng’ebbiri n’e kitundu egiyisse yali yajaguza okuweeza emyaka 50, mu buweereza buno ekintu ekitali kya bulijjo  kubanga kiraga nti abadde agundidde mu bunnaddiini.

            “Ono tabadde munnaddiini wa bulijjo kubanga obuweereza bwe bubadde busika abantu okudda eri katonda ng’ate ekyo kye kikulu ennyo okuyamba abantu okulokoka” Msgr Katende bweyamwogeddeko.

            Yayongeddeko nti amusabira katonda amuwe empeera mu ggulu kubanga alokodde abantu bangi ng’ayita mu kifo kye yatandiikawo e Bukalango gattako n’okusomesa bannaddiini mu seminale ya  St Mbaga.

            Munnamawulire Lozio Tamale Luyinda amaze emyaka 22, ng’asabira e Bukalango agamba nti newankubadde musajja wa katonda ono alina okuyitiibwa okwenjawulo mukama katonda kwe yamuwa abadde yasigaza obukakkamu.

            “Nzijjukira mu 2015- 2016 waliwo olutalo olwa maanyi wakati w’omugenzi Mukajanga ne Fr Kibuuka  nga Paapa yakamala okujja wano. Naye Msgr eyabakuza teyalabikako n’olunnaku n’olumu ng’ayogera ku nsonga eno wabula yafuba nnyo okulaba nga batabagaana” Tamale bweyategezezza

            Yagambye nti wadde abadde musajja mukadde naye abadde asobola okuyimirira ku kituuti kumpi ekiro kyonna naye ng’ate mwe abavubuka mukooye.

            Bantu bangi nnyo abakyusiza obulamu bwa bwe olw’e kifo ky’e Bukalango era ekifo kino kinenne nnyo nga kituuza abantu wakati w’e mitwalo 20 -30 abaabadde babooga buli  December/31 nga tuyingira omwaka omuggya.

                        EBINTU EBY’ENJAWULO BYAFUDDE ATANDIISSEEWO.

            Abadde yatandikawo ekibiina kya ba Sisita kye bayita Bride Of The Lamb e Bukalango, alina amassomero okuli St Tereeza, St Mary’s Bukalango era afudde atandissewo amasomero ga Pulayimale ne siniya agaweerako naye nga gonna gakulemberwa ba sisita bano.

            Alina eddwaaliro e Bukalango eribadde ligaba obujanjabi obwobwereere, yatandikawo Bukalango TV n’ebintu ebirala bingi . Yazaalibwa mu 1November/1936.