Ekitongole ky'amakomera, kivuddeyo ne kinnyonnyola ku mbeera ya Saudah Madada

Ekitongole ky'amakomera, kivuddeyo ne kinnyonnyola ku mbeera y'omuwagizi wa NUP Saudah Madaada bweri. 

Ekiwandiiko ekifulumiziddwa okuli omukono gw'omwogezi w'ekitongole ky'amakomera, Frank Baine , agambye nti nga Sept 10 , Luzira women prison yafuna Saudah ng'agibwa mu kkooti e Kawempe. 

Kigambibwa nti embeera ye teyali nnungi era nga Nov 01 , yagwa mu kinaabiro n'azirika,n'atwalibwa mu ddwaaliro, okufuna obujanjabi. 

Baine agasseeko nti nga Nov 17, baalaba ng'embeera ye, yali eteredde nti kyokka bwe bamutwala mu kkooti nga Nov 18 , embeera n'eddamu okukyankalana ne bamuzzaayo okufuna obujanjabi. 

Ayongeddeko nti nga Nov 19, bazzeemu okukasa nti embeera yabadde ezze mu nteeko.