Aba Youth wealth Creation mu Kampala Central bayungudde eggye ly'okunonyeza Pulezienti Museveni akalulu

BANNAKIBIINA kya NRM mu Kampala Central, bakung'aanye okwongera okutema empenda okulaba butya bwebasobola okukozeza enkola ya nyumba ku nyumba mu Kampala okusobola okwongera okusaggulira pulezidenti Museveni akalulu naddala mu bitundu bya Kampala.

Ndase ng'ali n'eggye erigenda okunoonyeze Mzee akalulu

Bano beebamu ku bantu abangi abaaganyurwa mu pulogulamu ya maka g’obwapulezidenti ey’okukwasizaako abantu abakola emirimu gya wansi eya Youth Wealth Creation ng’ekulirwa Faisal Nsase newagirwa amaka g’Obwapulezidenti okuyita mwagavunaanyzibwaako Jane Barekye.
Ndase agamba nti kino bakikoze nga banoonya engeri entuufu ey’okwebazaamu pulezidenti Museveni naddala okwagala abantu ba wansi n’ategeeza nti abantu bano abasoba mu 500, abakungaanye olunaku lwa leero buli muntu yeeyamye okukka ku ‘ground’ okukuyega abalonzi 10 ekitono balonde pulezidenti Museveni ne NRM yonna mu Kampala awangulire waggulu.

Abawagizi ba NRM nga bawaga okuwenjeza Mzee akalulu

Ndase alambuludde nti okuyita mu pulogulamu za gavumenti ez’enjawulo ezitunuulira okusitula embeera z’omuntu wa wansi ng’eno eya Youth Wealth Creation, obuwagizi bwa pulezidenti Museveni bweyongedde nnyo masekkati ga Kampala era wano webasinzidde ne bakkaatiriza nti keetonye ka gwaake ku luno Kampaala yonna eri ku Museveni.
Bano era beeronzeemu n’obukulembeze obugenda okubakulembera mu kampeyini eno nga buno bwennyini bwebugenda okubakulembera okwekolamu SACCO ng’abantu abakola emirimu gya wansi pulezidenti bwamala okulayira abateeremu ssente beewole bawone embeera ya ba money lender.

Eggye erigenda okuwenjaza Mzee akalulu

Omu ku babaddewo era abaaganyulwa mu nteekateeka ya Youth Wealth Creation, Latid Gabula, angamba nti ye alina ensonga okuwagira pulezidenti Museveni, kubanga yabaddeko e Kenya kyokka abantu abali eri begomba Uganda olw’emirembe egyirimu n’eby’okwerinda ebirungi.

Ndase ng'asala omuziki n'abawagizi ba NRM

Bano nga tebetemyeemu basiimye akulira amaka g’obwapulezidenti Jane Barekye olw’okuwagira pulogulamu ezitunuulira omuntu wa wansi naddala eno eya Youth Wealth Creation ate n’atakoma okwo n’agyikwasa omuntu owamazima Faisal Ndase yaba agyikwasaganye ng’agyitambuzza obulungi obutagambika