Abavubuka abagambibwa okukasukira poliisi amayinja mu bikujjuko by'okumalako omwaka, bakubiddwa amasasi

ABAVUBUKA babiri abagambibwa okubeera mu kibinja ekyakasuukiridde poliisi amayinja mu bikujjuko by'okumalako omwaka, bakubiddwa amasasi agabalumizza.

Bino, byabadde Busakira mu muluka gw'e Kaluba e Mayuge, abavubuka abaabadde bookya ebipiira mu kkubo n'okukasuukirira abaserikale Mukaaga amayinja bwe baabakubyemu amasasi agaabalumizza n'abalala ne babuna emiwabo.

Abaserikale nga bakulembeddwamu akulira poliisi e Busakira, Cpl Richard Odongo , kigambibwa nti baafunye okusoomoozebwa era mukaaga ne balumizibwa ekyawalirizza Cpl Odongo okubakubamu amasasi, agaabalumizza.

Omwogezi wa poliisi mu Busoga East, Micheal Kasadha,  ategeezezza nti ababiri abaalumiziddwa, baatwaliddwa mu ddwaaliro e Mayuge, okufuna obujjanjabi, ng'okubuuliriza , kugenda mu maaso.