Owa securico eyasuddewo omulimu akwatiddwa atunda masasi e Luweero

Poliisi y’e Luweero ekutte owa securiko agambibwa okusuulawo omulimu gwe e Kampala n'asibira e Luweero okutembeeya amasasi.

Alfred Okongo Owona 25, nga mukozi mu kkampuni enkuumi eya Secure Security Company Limited e Kampala  ye yakwatiddwa n'amasasi.

Omwogezi wa poliisi mu Savanna, ASP Sam Twineamazima yategeezezza nti baatemezeddwaako ng'omukuumi ono atuukiridde abakkampuni ya Hipos Security Company e Luweero okubaguza amasasi.

Omu ku bakungu ba kkampuni eno yatemezza ku poliisi n'ekwata omukuumi ono ne bamwaza ne bamuggyako amasasi ana ge yabadde atadde  mu jjaketi.

Kyategeezeddwa nti omukwate amasasi yagaggya mu mmundu gye yali akuumisa ku kkolero ly'empapula erya Crown Paper Factory mu  Kawempe diviizoni e Kampala gye yadduka ng'amaze okuwaayo emmundu mu bakama be n'ayolekera e Luweero.

Twineamazima yategeezezza nti omuvubuka ono akuumirwa ku poliisi nga bwe banoonyereza