Abantu 7 abagambibwa okugezaako okugulirira abalonzi bakwatiddwa poliisi!
Bibadde ku 'Happy Land Guest House' e Katosi Central Cell mu Kabuga k'e Katosi e Mukono, nga kigambibwa nti, babasanze ne ‘haafu za kkiro za ssukaali’ mu buveera nga mulimu ekifaananyi ky'omu ku beesimbyewo.
Abantu 7 abagambibwa okugezaako okugulirira abalonzi bakwatiddwa poliisi!
Poliisi e Mukono ekutte abantu musanvu abagambibwa nti babadde bagezaako okugulirira abalonzi.
Bibadde ku 'Happy Land Guest House' e Katosi Central Cell mu Kabuga k'e Katosi e Mukono, nga kigambibwa nti, babasanze ne ‘haafu za kkiro za ssukaali’ mu buveera nga mulimu ekifaananyi ky'omu ku beesimbyewo.
Kitegeezeddwa nti mu buveera bwa sukaali, mubaddemu ekifaananyi kya Hon. Kenneth Nsubuga Ssegabayunga akwatidde ekibiina kya DP bendera ku bwa MP mu Mukono North Constituency.
Abakwatiddwa, kuliko Maureen Nakitto Birungi, kkansala ku disitulikiti era ng'abeera Kizalabuganda cell e Katosi. Abalala, kuliko Goretti Nambowa 38 , Madrine Namayengo 27, Samuel Tendo 21 , Whitney Nakirijja 17 nga muyizi era ng'abeera Gonve Cell e Ntanzi.
Kuliko Paul Sserwaniko 20, wa ku mwalo e Katosi, ne Justine Nakavuma 33. Omwogezi wa poliisi mu Kampala, Racheal Kawala, agambye nti ebizibiti bya ssukaali mu buveera obuddugavu n'obweru, babirina era byakubayamba okutwala bano mu kkooti.