Amawulire
Poliisi yeetondedde bannamawulire olw'ebikolobero ebizze bibakolwako
Babasabye okugenda mu maaso n'okukolaganira awamu , kyokka ne babalabula okukola emirimu gyabwe n'obwesimbu ate beewale okubeera ku ludda olusoomooza abaserikale.
Poliisi yeetondedde bannamawulire olw'ebikolobero ebizze bibakolwako
By: Godfrey Kigobero, Journalists @New Vision
POLIISI yeetondedde bannawulire olw'ebikolobero ebizze bibakolebwako era n’ekakasa nga bwe bitagenda kuddamu kubaawo nga bakola.
Babasabye okugenda mu maaso n'okukolaganira awamu , kyokka ne babalabula okukola emirimu gyabwe n'obwesimbu ate beewale okubeera ku ludda olusoomooza abaserikale.
Omulung’amya w'ebyobufuzi mu poliisi , Ubaldo Bamunoba , bw'abadde asisinkanye bannamawulire ku kitebe kya poliisi e Nagguru leero, agambye nti oluusi bwe wabeerawo obusambattuko, kizibu okusosola bannamawulire ng'oluusi babugenderamu.
Abasabye okukola n'obukugu , okwewala ebizibu ebiyinza okubatuukako.