Omuliro gusanyizzaawo emmaali y'abantu abasoba mu 600 e Kawempe

OMULIRO gusanyizaawo  emmaali y’abasuubuzi abasoba 600  mu kawempe  poliisi n’amagye byawaaliriziddwa okukuba amasasi mu bbanga okugumbulula abavubuka baabadde bagufudde omugano okubba emmaali y’abasuubuzi.

Ebintu ebisanyizoddwawo omuliro

Ekifo kino kibadde kikoleramu   ababazi , mu baddemu galagi, woteeri, amayumba , we balundira embizzi , abatunda ebikozesebwa mu kukola  ebibagye n’ebirala ng’abasuubuzi baagambye nti omuliro gulabika gwavudde ku masannyalaze ate abalala  baagambye waliwo ababadde balundira embizi mu kifo kino nga kirabika beebakumye omuliro ogwaviriddeko obuzibu.

Moses Kigozi ssentebe  wa Min triangle zooni omwakutte omuliro yagambye  abasuubuzi abaafiiriddwa emaali mu kusooka baali bakolera ku nkulungo y’okubiri wabula mu 2023 omuliro gwasanyawo emaali yaabwe ne basalawo okusenguka ne badda  mu kifo kino ng’era abasinga tebaakwasizzamu byonna byasanyewo .

Yagambye nti kifo kibaddemu amayumba g’abapangisa  n’abasuubuzi we yasabidde minisita w’ebiggwa tebiraze okuvaayo okuyamba ku basuubuzi bano kuba abasinga ssente zibadde baazewoola abalala zibadde za PDM nga kati baasigadde mu banga .

Godfrey Okobo omumyuka wa kulira ebikwekweto ebizikirizza omuliro yategeezezza nti tebanazuula kyavuddeko omuliro naye basuubira  gwavudde  masannyalaze , obulagajavu bw’abasuubuzi  , yagasseko nti baageezezzako okutuuka mu bwangu naye baafunye obuzibu bwa makkubo nga mmotoka tezirina w’eyita kutuuka mu kifo.

Julius Kakooza omu baabaddewo yagambye nti omuliro gwatandikidde mu kibanda kya Davi ng’esaawa zaabadde zigenda mu mukaaga wabula abavubuka abaazze ng’abaddukirize ate bazze mu kubba ebintu by’abasuubuzi ekyawalirizza amagye ne poliisi okukuba amasasi mu bbanga okubagumbulula  ate abalala bazze ku mmere eyabadde mu woteeri ne bagirya .

Moses Kigongo  ssentebe wa Kaleerwe zooni yagambye nti bateberezza okuba nti waliwo abagagga abali emabega w’omuliro oguzze gukwata mu kawempe kuba ekisinga okubeewunyisa omuliro olumala okukwata abasuubuzi tebabakirizza okuzaawo kino kino balala bibaati nga bikubiddwa mu kifo we babadde bakolera