Aba B-Clara.H and Property Services bakyadde e Mmengo ne beeyama okuwagira emirimu gy'obwa Kabaka

Katikkiro Cahrles Peter Mayiga asisinkanye aba B-Clara Property Services mu Bulange e Mengo n’abasiima okuwagira Obuganda. 
 Charlse Peter Mayiga awabudde abavubuka okukola ennyo obutebalira nga bakulembeza amazima n’obwerufu era beewale okwagala obugagga obwa Bugubugu lwe bajja okwangula mu nsi eno. 

Katikkiro Mayiga ng'abuuza ku B-cLare e Bulange e Mmengo

Katikkiro bino aby’ogeredde ku Bulange e Mmengo bwabadde akyazizza abagenyi be okuva mu kampuni etunda n’okugula ettaka eya B-ClaraH property Service ababadde bakulembeddwaamu dayirekita Herbert Ssenyonga.

Katikkiro ng'anyumyamu ne B-Clara e Bulange Mmengo

Ssennyonga asiimye Katikkiro olw’okubeera eky’okulabirako ekituufu eri abavuka era ne yeeyama nti nga B-Clara bakwongera okuwagira enteekateeka z’Obwakabaka okuli n’emisinde gy’amazalibwa ga Kabaka egy’omwaka guno.

Aba B-Clara nga bali ne Katikkiro mu kifaananayi ku bugenyi bwebabaddeko e Bulange Mmengo

Katikkiro abasiimye okuwagira Obuganda era n’abajjukiza nti kino kibakatako bulijjo okukolera Obuganda obutassa mukono