Poliisi eyongedde okunnyikiza ebikwekweto

MU kaweefube w'okulwanyisa obumenyi bw'amateeka mu Kampala n'ebitundu ebiriraanye, poliisi ekoze ennumba eziwerako n'ekwata 64 mu kiro ekikeesezza leero.

Ekitundu kya Jinja road poliisi ky'etwala omuli Nagguru Go down , Bank Village, Nagguru village mu Nakawa Division , 8 be bakwatiddwa.

e Mukono okuli Kyetume, Namuyenje, Nagwa bakutte 18 ate e Kira road  omuli Kiwatule, Waniduuka ne Kamwokya bayodde 36 so nga yo e Kira Division  omuli  Najjeera, Kalittunsi, Bulabira nafunyeyo 2.

Omwogezi wa poliisi mu Kampala Recheal Kawala, ategeezezza nti ebimu ku bizuuliddwa mu bikwekweto, mulimu ebyuma ebimenya amayumba n'enjaga.