Abagambibwa okubeera ababbi b'Ente Poliiis ezibasuuzizza

ENTE bbiri ezirowoozebwa okuba enzibe, zisuuziddwa ababbi abadduse era nga mu kiseera kino poliisi e Nateete, ebayigga.

Kigambibwa nti ababbi , babadde bazitambuliza mu mmotoka ekika kya Toyota X - Trail nnamba UAS 521 W  era nga babakwatidde  mu maaso g'akatale k'e Busega nga bukya , abagibaddemu ne badduka.

Omwogezi wa poliisi mu Kampala, Recheal Kawala, agambye nti omuyiggo gugenda mu maaso era nga bazikuumira ku poliisi e Nateete.

Mu ngeri y'emu Kawala, ategeezezza  nti mu bikwekweto ebikoleddwa e Nateete ne Busega, bakutte 30 abagambibwa okuba abamenyi b'amateeka , ate abalala 2 ne bagibwa mu Bbuto e Bweyogerere nga bagezaako okumenya sitoowa.