Olusiisira lw'ebyobulamu e Mpererwe: Abantu abasoba mu 300 bafunye obujjajabi obwobwerere

Ab'e Mpererwe bafunnye obujjajabi obw'obwereere nga bubaweereddwa aba Rotary Club y'e Mpererwe mu kaweefube gwe baliko ow'okuzidda ekitundu. Obujjanjabi buno babufunidde ku kisaawe kya Stephens Church Mpererwe.

Nga babadde bakulembeddwamu Irene Namutebi, pulezidenti wa Rotary Club y'e Mpererwe nga abantu babajajabye , wamu n’okukebera kukebera , amaaso, akawuka kamukenenya,amannyo, kokolo (cancer wa nabaana n’amabeere n’abasajja ), hepatitis B wamu n’okukebera Sickle Cell wamu n’okugaba omusaayi bino byonna ku bwerere kwossa ne ddagala ery’obwerere.

Namutebi asabye abantu okugoberera ebiragiro by'abasawo mu kwetangira ekirwadde kya Ebola.

Omukolo gwatandise n’okulambuza Gerald Obai gavanna wa Rotary ekiffo we bagenda okuteeka amazzi nga ekifo kino kyaweereddwaayo aba Mpererwe C/U Primary School naye nga amazzi gabo nga gawedde okusimibwa n’abatuuze mu Mpererwe bonna bagenda kugafunamu.

Amalwaliro okwabadde People’s Medical Hospital, St Stephen’s Hospital, Mpererwe Church of Uganda, JWK Medical Center Associates mission, Suubi Health Services, Sarec Dental Center, wamu n’aba Quality Management Services, Froridah Furniture ne Hariss International Limited, nabo baabaddewo.

Samuel Kalibbala ow’olukiiko lw'e kyalo ky'e Mpererwe yeebazizza nnyo aba Rotary Club y'e Mpererwe olw’obujjanajabi bwe baabawadde n'asaba Katonda okubaddizaawo.

Rev. John Kiyingi omusumba w’obusumba bw'e Mpererwe Church of Uganda y'omu ku beetabye mu lusiisira luno n'atendereza nnyo aba Rotary Club y'e Mpererwe olw'eteekateeka zonna omuli n’okusakira ekitundu mazzi.