Amawulire
Abaana 2 basirikkidde mu muliro nga nnyaabwe agenze ku dduuka okugula ebintu
Ekikangabwa kino kigudde mu zzooni ya Kiyanja mu diviizoni y’e Kawempe mu Kampala, abaana okuli omuwala ow'emyaka 13, ng'aliko obulemu ne munne omulenzi ow'emyaka 3, bwe bafiiridde mu nabbambula w'omuliro guno.
Abaana 2 basirikkidde mu muliro nga nnyaabwe agenze ku dduuka okugula ebintu
By: Godfrey Kigobero, Journalist @New Vision
Abaana babiri bafiiridde mu muliro ogukutte ennyumba mwe babadde basula e Kawempe.
Ekikangabwa kino kigudde mu zzooni ya Kiyanja mu diviizoni y’e Kawempe mu Kampala, abaana okuli omuwala ow'emyaka 13, ng'aliko obulemu ne munne omulenzi ow'emyaka 3, bwe bafiiridde mu nabbambula w'omuliro guno.
Kitegeezeddwa nti nnyina w'abaana bombi, abadde agenzeeko ku maduuka nti n'alagira ow'emyaka omunaana okugenda akoleeze omusubbaawa olw'amasannyalaze okugenda era kirowoozebwa okuba nga gwe guvuddeko omuliro.
Amyuka omwogezi wa poliisi mu Kampala, Luke Owoyesigyire, agambye nti abazinyamooto we batuukidde, ng'abaana bamaze okufa nga n'ennyumba wamu n'ebintu ebibaddemu, bisirisse.
Agasseeko nti emirambo, gitwaliddwa mu ggwanika ly'eddwaaliro e Mulago, ng'okunoonyereza bwe kugenda mu maaso.