Amawulire
Omulamuzi ataddewo nga 3 ku lwokuna lw'agenda okuwulira omusango gwa Besigye ne Lutale okweyimirirwa
OMULAMUZI Emmanuel Baguma owa kkooti enkulu mu Kampala ataddewo ku Lwokuna nga July 3,okuwulira okusaba kw'okweyimirirwa okwa Dr Kiiza Besigye n'omuyambi we Hajji Obed Lutale.
Besigye ne Lutale mu kaguli ka Kkooti
By: Margret Zalwango, Journalist @New Vision
OMULAMUZI Emmanuel Baguma owa kkooti enkulu mu Kampala ataddewo ku Lwokuna nga July 3,okuwulira okusaba kw'okweyimirirwa okwa Dr Kiiza Besigye n'omuyambi we Hajji Obed Lutale.
Omulamuzi olwaleero bwatuuse mu kkooti agambye kasooke awe olunaku okuwulira okusaba kwa Besigye bwatyo n'alagira balooya be basseemu okusaba kuno enkya nga July 1, ate oludda oluwaabi lwanukule nga July 2, olwo kkooti etuule nga July 3,2026 okuwulira ensonga zaabwe ku ssaawa kunaana ezomuttuntu.
Guno mulundi gwa kutaano nga Besigye ne Lutale basaba okweyimirirwa nga bwekugobwa.
Webigidde nga balooya baabwe Erias Lukwago naye musibe mu kkomera ate Martha Karua okuva e Kenya bamusaako ekiragiro obutaddamu kulinya kigere ku ttaka lya Uganda.