Amawulire
St. Mary’s SS Kitende lijaguzza emyaka 25 bukya litandika
ESSOMERO lya St. Mary’s Kitende (SMASK) lyajaguzza okuweza emyaka 25 ku Lwomukaaga kasokedde litandikibwawo mu 2001.
Ssaabasumba wa Kampala, Paul Ssemogerere (kuddyo) ng’anyumya ne Dr. Lawrence Mulindwa omutandisi wa St Mary’s SS Kitende.
By: Bukedde Omusunsuzi, Journalist @NewVision
ESSOMERO lya St. Mary’s Kitende (SMASK) lyajaguzza okuweza emyaka 25 ku Lwomukaaga kasokedde litandikibwawo mu 2001.
Ku mukolo ogwabadde ogw’amaanyi mu kisaawe e Kitende, gwetabiddwaako abantu abenjawulo okwabadde abamu ku baalisomeramu, bannabyamizannyo, abayizi wamu n’abasomesa olw’ekiragiro kya Minisitule y’ebyobulamu okutangira abantu abangi okukung’aana olw’ekirwadde kya Ebola.
Omukolo gwatandise n’ekitambiro kya Mmisa eyakulembeddwa Ssaabasumba wa Kampala, Paul Ssemogerere ng’ayambibwako abasosodooti abalala okwabadde omuwandiisi we ow’ekyama, Fr. Remigius Kayiira, omulyoyi w’emyoyo gy’abayizi, Fr. StephenMuyanja Balikuddembe, Bwannamukulu w’ekigo ky’e Lweza atwala ne Kitende essomero lino we lisangibwa, Fr.Emmanuel Ssewanyana, akulira ekigo kya Biikira-Maria Shrine e Kiwamirembe, Fr. Edward Kabanda, Fr. Gerald Zzinda, omumyuka w’ekigo ky’e Mpala Parish, Fr. Ssentamu, Bwanamukulu w’ekigo kya Kabulamuliro, Fr. Remigius Kasibante, Bwanamukulu wa Mpigi Parish, Fr. Deogratias Kateregga Kiibi, n’abalala.
Okujaguza kwabadde ku mulamwa ogugamba nti, “A legacy for the future,” era gwetabiddwaako eyaliko omumyuka wa Pulezidenti, Edward Kiwanuka Ssekandi, minisita omumyuka owa Trade Industry and Cooperatives era omuzadde, Hon. Tom Alero Aza, Rev. Muwonge atwala Obusumba bw’e Kitende, ba Sheikh, n’abalala.
Mu Mmisa abasomesa n’abayizibaatonye ebirabo okwebaza Katonda okusobozesa essomero lyabwe okutuuka ku myaka 25.
Okujaguza kwabadde ku mulamwa ogugamba nti, “A legacy for the future,” era gwetabiddwaako eyaliko omumyuka wa Pulezidenti, Edward Kiwanuka Ssekandi, minisita omumyuka owa Trade Industry and Cooperatives era omuzadde, Hon. Tom Alero Aza, Rev. Muwonge atwala Obusumba bw’e Kitende, ba Sheikh, n’abalala.
Mu Mmisa abasomesa n’abayizibaatonye ebirabo okwebaza Katonda okusobozesa essomero lyabwe okutuuka ku myaka 25.
OKUKULISA SSAABASUMBA
Ku mukolo guno Ssaabasumba Ssemogerere baamuyozaayozezza okutuuka ku mazaalibwa ge ag’emyaka 70 gye yawezezza nga June 30, 2026,
Bwe yabadde ayigiriza, Ssemogerere yatenderezza omutindo gw’essomero wamu n’enjigiriza ennungi n’empisa ebiri mu St. Mary’s SS, Kitende wamu ne Dr. Lawrence Mulindwa omutandisi waalyo.
Yagasseeko nti, “Omutindo gwe nsanze wano mu ssomero lya St. Mary’s Kitende kya kuyiga ky’amaanyi, empisa mu bayizi. Tosobola kuyigira wano n’otasoma bulungi”, Ssaabasumba bwe yagambye.
Yayongeddeko nti okujaguza emyaka 25 kitegeeza lugendo lwa kukkiriza, okwefiiriza, okwewaayo, okugenda mu maaso n’ebirala bingi kuba si kyangu. “Nga tujaguza kye tutuuseeko olwaleero, okulabira ku muwandiisi wa Zabbuli okwongera okutendereza Katonda oyo atukoledde ebirungi gyetuli. Ddala Katonda yalikolera ebirungi ekirifuula ery’amaanyi mu by’enjigiriza mu ggwanga lyonna,” Ssaabasumba bwe yategeezezza.
Dr. Mulindwa, yagambye nti, “Olwaleero nga tujaguza emyaka 25, twebaza Omukama. Nneebaza abasomesa n’abatali basomesa wamu n’abazadde abatussaamu obwesige okutuwa abaana okuva ku ntandikwa, kino kyali kyalo ddala, ate nga kibira, kyokka ebiseera ebyo bangi baali tebatwala massomero ag’obwannannyini ng’ekikulu, oba olyawo abaatusooka waliwo bye bataakola bulungi. Nneebaza abayizi baffe abaasooka abaafuuka ba Ambassadors oluvannyuma lw’okumaliriza, n’abo bonna abayimiridde naffe okutuusa olwaleero, abessaza lya Busiro abaatwaniriza oluvannyuma lw’okuva mu Kyadondo, ate nga nzaalibwa mu Mawokota.
Olwaleero tujaguza essomero si lwa kusomesa kwokka, wabula okutumbula ebitone bingi ebya Bannayuganda”, Dr. Mulindwa bwe yategeezezza
Ku mukolo guno Ssaabasumba Ssemogerere baamuyozaayozezza okutuuka ku mazaalibwa ge ag’emyaka 70 gye yawezezza nga June 30, 2026,
Bwe yabadde ayigiriza, Ssemogerere yatenderezza omutindo gw’essomero wamu n’enjigiriza ennungi n’empisa ebiri mu St. Mary’s SS, Kitende wamu ne Dr. Lawrence Mulindwa omutandisi waalyo.
Yagasseeko nti, “Omutindo gwe nsanze wano mu ssomero lya St. Mary’s Kitende kya kuyiga ky’amaanyi, empisa mu bayizi. Tosobola kuyigira wano n’otasoma bulungi”, Ssaabasumba bwe yagambye.
Yayongeddeko nti okujaguza emyaka 25 kitegeeza lugendo lwa kukkiriza, okwefiiriza, okwewaayo, okugenda mu maaso n’ebirala bingi kuba si kyangu. “Nga tujaguza kye tutuuseeko olwaleero, okulabira ku muwandiisi wa Zabbuli okwongera okutendereza Katonda oyo atukoledde ebirungi gyetuli. Ddala Katonda yalikolera ebirungi ekirifuula ery’amaanyi mu by’enjigiriza mu ggwanga lyonna,” Ssaabasumba bwe yategeezezza.
Dr. Mulindwa, yagambye nti, “Olwaleero nga tujaguza emyaka 25, twebaza Omukama. Nneebaza abasomesa n’abatali basomesa wamu n’abazadde abatussaamu obwesige okutuwa abaana okuva ku ntandikwa, kino kyali kyalo ddala, ate nga kibira, kyokka ebiseera ebyo bangi baali tebatwala massomero ag’obwannannyini ng’ekikulu, oba olyawo abaatusooka waliwo bye bataakola bulungi. Nneebaza abayizi baffe abaasooka abaafuuka ba Ambassadors oluvannyuma lw’okumaliriza, n’abo bonna abayimiridde naffe okutuusa olwaleero, abessaza lya Busiro abaatwaniriza oluvannyuma lw’okuva mu Kyadondo, ate nga nzaalibwa mu Mawokota.
Olwaleero tujaguza essomero si lwa kusomesa kwokka, wabula okutumbula ebitone bingi ebya Bannayuganda”, Dr. Mulindwa bwe yategeezezza