Omuwala eyeesudde mu mazzi nga nnyina amulemeddeko okugenda ku ssomero aziikiddwa!
Priscilla Nannyonjo ow'e Tamanakali e Bukomero mu disituliliti y'e Kiboga ng'abadde asoma mu S.3 yagudde mu ddaamu y'omugagga John Kinaalwa ku Lwokubiri n'afa.
Omuwala eyeesudde mu mazzi nga nnyina amulemeddeko okugenda ku ssomero aziikiddwa!
OMUYIZI ow'emyaka 15 owa Bukomero SS eyagudde mu mazzi, yaziikiddwa ku Lwokuna wakati mu maziga okuva mu b’enganda n'abazadde.
Okugwa mu kidiba, nti kyaddiridde okufunamu obutakkaanya ne nnyina Fatuma Nalugwa nti ng'amusindikiriza okugenda ku ssomero kyokka omuwala n'amuddamu nga bwe yabadde ayozezza yunifoomu ye, nga mbisi.
Kigambibwa nti ekyaddiridde omuwala kufuluma ennyumba ng'akaaba era nnyina bwe yamugoberedde, yasanze engatto ku mabbali g'ekidiba ekiri mu kibanja kya John Kinaalwa.
Omwogezi wa poliisi mu Wamala, Lameck Kigozi, yagambye nti omulambo gwaggyiddwayo ne gwekebejjebwa n'oluvannyuma ne guweebwa abooluganda ng'okubuuliriza bwe kugenda mu maaso.
Kitaawe agamba nti tabadde na buzibu bwonna era nga babadde bamulabirira bulungi. Yagasseeko nti yaziikiddwa e Mulagi e Kiboga ewa Hajji Edrisa Luyulika.