Amawulire
Poliisi erabudde abayizi ku kukukozesa ebiragalalagala
Poliisi erabudde abayizi mu masomero ,okukomya omuze gw'okwenyigira mu kukozesa ebiragalagala, okwewala ebikolwa by'obumenyi bw'amateeka n'okunywerera ku ebyo ebibatwaza mu masomero.
Poliisi erabudde abayizi ku kukukozesa ebiragalalagala
By: Godfrey Kigobero, Journalist @New Vision
Poliisi erabudde abayizi mu masomero ,okukomya omuze gw'okwenyigira mu kukozesa ebiragalagala, okwewala ebikolwa by'obumenyi bw'amateeka n'okunywerera ku ebyo ebibatwaza mu masomero.
Okulabula kuno, kukoleddwa kamiisona wa poliisi avunaanyizibwa ku kutabaganya omuntu wa bulijjo ne poliisi, Anatooli Mureterwa, bw'abadde ayogera eri abayizi ba Nawandala Secondary School e Iganga.
Abaserikale n'abayizi oluvannyuma lw'okusomesa abayizi.
Abadde n'aba Uganda Youth Development Link (UYDEL) ekitongole ekiyamba okubudaabuda n'okusomesa abavubuka obulabe obuli mu kukozesa ebiragalagala n'okulwanyisa ebikolwa eby'obuliisamaanyi.
Muleterwa awerekeddwaako amyuka RPC, PRO Micheal Kasadha, CLO, n'abakungu abalala.
Mulereterwa asabye abayizi okwewala ebibinja by'abavubuka ababawabya, okwewala okubuzaabuza ffiizi ezibaweebwa abazadde, n'okunyweza ennyo ebyokwerinda ku masomero ne mu bitundu gye babeera.