Amawulire
Poliisi enoonyereza ekivuddeko omusibe okufiira mu kkomera e Budaka
Poliisi e Budaka ekyagenda mu maaso n'okuzuula ekivuddeko omusibe okufiira mu kkomera mw'abadde akuumirwa.
Poliisi enoonyereza ekivuddeko omusibe okufiira mu kkomera e Budaka
By: Godfrey Kigobero, Journalist @New Vision
Poliisi e Budaka ekyagenda mu maaso n'okuzuula ekivuddeko omusibe okufiira mu kkomera mw'abadde akuumirwa.
Bino, bibadde ku Naboa T/C police cells, omusibe David Gawaya 54 ow'e Namajja 1 cell e Naboa T/C e Budaka, gy’afiiridde bw'abadde atwaliddwayo ku misango gy'okufuna emitwalo 50 mu lukujjukujju n'okutiisa okutuusa obulabe ku bantu.
Kigambibwa omusango gwatwaliddwayo Jannat Namatende ne bba Moses Higenyi era nga bawerekeddwako defensi Kyogola, n'amyuka ssentebe.
Kitegeezeddwa nti omusibe we bamukwatidde, abadde atamidde ng'alina ne walagi mu nsawo wamu n'ejjambiya.
Poliisi etegeezezza nti bamusanze munda mu kaduukulu ekiro ng'afudde era ng'omulambo gutwaliddwa e Mbale okugwekebejja.