Amawulire
Abagambibwa okubaako ne kye bamanyi ku bubbi bwa pikipiki 16 bakwatiddwa poliisi
Emu ku pikipiki ezuuliddwa mu Kampala nga yabadde ebbiddwa okuva e Wakiso ate endala 15, ne zikukunulwa mu paakingi emu eya Prime Day and Night e Wakiso.
Abagambibwa okubaako ne kye bamanyi ku bubbi bwa pikipiki 16 bakwatiddwa poliisi
By: Godfrey Kigobero, Journalist @New Vision
ABANTU babiri bakwatiddwa ku bigambibwa nti baliko kye bamanyi ku pikipiki 16 ezigambibwa okuba enzibe, ezizuuliddwa poliisi.
Emu ku pikipiki ezuuliddwa mu Kampala nga yabadde ebbiddwa okuva e Wakiso ate endala 15, ne zikukunulwa mu paakingi emu eya Prime Day and Night e Wakiso.
Abakwatiddwa, kuliko John Tumwebaze ne Fred Kabugo abagambibwa nti pikipiki baabadde bagibbye okuva ku Benon Muwezi e Wakiso.
Amyuka omwogezi wa poliisi mu Kampala n'emiriraano, Luke Owoyesigyire akoowodde abantu okugenda ku poliisi e Wakiso, beekenneenye pikipiki zino, okuzuula oba nga mulimu ezo ezababbibwako.
Mu ngeri y'emu era Owoyesigyire agambye nti waliwo emmotoka nayo gye baazudde e Kasangati nga yabadde ebbiddwa era abantu babiri nabo ne bakwatibwa ku bunyazi buno.