Fuso zeetomereganye emu n'egwiira mmotoka ya buyonjo,agibaddemu ne bamuddusa mu ddwaaliro nga biwalattaka
Mu kiseera kino, omulimu gw'okuddaabiriza oluguudo luno gugenda mu maaso era nga mu kitundu awabadde akabenje, wassiddwawo emiziziko okutangira ab’ebidduka obutavuga ndiima olw'omulimu ogugenda mu maaso.
Fuso zeetomereganye emu n'egwiira mmotoka ya buyonjo,agibaddemu ne bamuddusa mu ddwaaliro nga biwalattaka
OMUNTU omu alumiziddwa mu kabenje akagudde e Buswabulongo e Mityana ku luguudo oluva e Kampala okuyita e Mityana okweyongerayo e Mubende.
Akabenje kano, kabaddewo emmotoka Fuso nnamba UBM 623L ebadde eva e Kampala okudda e Mubende, bw'ekoonye akagulumu mu kkubo (hump) n'etomeregana ne Fuso nnamba UBG 611 J Fuso ebadde etisse kasooli ng'eva Mubende okwolekera Kampala.
Mu kabenje kano, emu ku mmotoka ebadde etisse kasooli, egwiridde emmotoka endala ekika kya Wish nnamba UBJ 452 A era agibaddemu, n'atuusibwako ebisago eby’amaanyi n'atwalibwa mu ddwaaliro e Mityana, ng'embeera mbi.
Omwogezi wa poliisi mu Wamala, Lameck Kigozi, agambye nti , emu ku mmotoka eggyiddwawo n'etwalibwa ku poliisi e Mityana ate Fuso okuli kasooli bakyamutikkulako n'okugezaako okugisikawo basobole okuggyawo ne Wish, gy'egwiridde.