Amawulire
Kitalo! owabbooda atagalidde mu luguudo n'agwa mu ttuleera n'emugoya!
Akabenje kabaddewo ku ssaawa 12:30 ez'okumakya leero mu kabuga k'e Namayembe e Bugiri , ttuleera nnamba KBW 160Z/ ZC4479 bw'esaabadde omuvuzi wa pikipiki nnamba UEM 546 E n'afa.
Kitalo! owabbooda atagalidde mu luguudo n'agwa mu ttuleera n'emugoya!
By: Godfrey Kigobero, Journalist @New Vision
OMUVUZI wa bodaboda afiiridde mu kabenje akagudde e Bugiri ku luguudo oluva e Iganga okudda e Tororo.
Kabaddewo ku ssaawa 12:30 ez'okumakya leero mu kabuga k'e Namayembe e Bugiri , ttuleera nnamba KBW 160Z/ ZC4479 bw'esaabadde omuvuzi wa pikipiki nnamba UEM 546 E n'afa.
Omugenzi, ategeerekese nga Micheal Oburu 46, abadde mutuuze w'e Namayembe Central B e Bugiri y'afiiridde mu kabenje . Kigambibwa nti ebidduka byombi, bibadde biva ludda lumu nti owa boda kwe kutagala n'adda ku ludda olubaddeko lukululana n'emugoya.
Omwogezi wa poliisi mu Busoga East, Micheal Kasadha, agambye nti omulambo, gutwaliddwa mu ggwanika ly'eddwaaliro e Bugiri ng'okunoonyereza, kugenda mu maaso.