Amawulire
Bakutte 1,711 abagambibwa okwenyigira mu kubba n'okugula essimu enzibe
ABANTU 1,711 abagambibwa okwenyigira mu kubba n'okugula essimu enzibe, be bakwatiddwa mu bikwekweto ebikoleddwa mu Kampala n'emiriraano mu wiiki ebbiri eziyise.
Bakutte 1,711 abagambibwa okwenyigira mu kubba n'okugula essimu enzibe
By: Godfrey Kigobero, Journalist @New Vision
ABANTU 1,711 abagambibwa okwenyigira mu kubba n'okugula essimu enzibe, be bakwatiddwa mu bikwekweto ebikoleddwa mu Kampala n'emiriraano mu wiiki ebbiri eziyise.
Ebikwekweto bino, mwe bazuulidde essimu eziwerako naddala ez'ekika kya iPhone , bikoleddwa wakati wa July 13 okutuuka July 26 era nga mu kiseera kino, poliisi egezaako okuzuula bannyini zo bazibaddize.
Kitegeezeddwa nti abamu ku bano, 120 ,bayimbuddwa ku kakalu ka poliisi, 503 ne babalabula ne babayimbula, 954 ne basindikibwa mu kkooti , 137 bakyabanoonyerezaako.
Omwogezi wa poliisi mu ggwanga, Kituuma Rusoke, agambye nti ebikwekweto bikyagenda mu maaso okuzuula bonna, abali emabega w'omuze guno.