Amawulire
Poliisi ekutte bbaasi z'amasomero 6 ezibadde zizza abayizi awaka lwa baddereeva baazo butaba na bisaanyizo
BBAASI omukaaga ku ezo 10 ezigambibwa okutambuza abayizi okubatwala e Tanzania ku by'emizannyo, zikwatiddwa poliisi ku lutindo enjeru e Jinja , abazivuga ne babalagira okuzzaayo abayizi ku masomero olw'obutabeera na bisaanyizo.
Poliisi ekutte bbaasi z'amasomero 6 ezibadde zizza abayizi awaka lwa baddereeva baazo butaba na bisaanyizo
By: Godfrey Kigobero, Journalist @New Vision
BBAASI omukaaga ku ezo 10 ezigambibwa okutambuza abayizi okubatwala e Tanzania ku by'emizannyo, zikwatiddwa poliisi ku lutindo enjeru e Jinja , abazivuga ne babalagira okuzzaayo abayizi ku masomero olw'obutabeera na bisaanyizo.
Bbaasi ezaakwatiddwa, kigambibwa zaabadde zitambuza abayizi b'essomero lya, Gombe SS, Seroma Christian High school, Nabisunsa girls SS , Katikamu SDA SS, St. Cyprian high School Kyabakadde , ne Light College Katikamu .
Omwogezi wa poliisi y'ebidduka, Micheal Kananura, agamba nti baddereeva ababiri, tebaabadde na bbaagi, ababiri nga bbaagi zaabwe zaggwaako , omu nga talina musolo ogwa PMO ate omulala nga pamiti gy'alina temukkiriza kuvuga bbaasi.
Kananura agasseeko nti endala ennya, zakkiriziddwa okweyongerayo n'agattako nti wadde baddereeva baafuna olukusa okuva mu minisitule y'ebyenjigiriza okutambuza abayizi , nti era basaana okugoberera amateeka g'oku nguudo.