Kazambi akulukutira mu nguudo z'e Kawempe abuzeeko ayamba!
KAZAMBI akulukutira ku nguudo z’omu Kawempe atabudde abatuuze n’abasuubuzi ne basaba be kikwatako okusitukiramu.
Kazambi akulukutira mu nguudo z'e Kawempe abuzeeko ayamba!
KAZAMBI akulukutira ku nguudo z’omu Kawempe atabudde abatuuze n’abasuubuzi ne basaba be kikwatako okusitukiramu.
Kazambi akulukutira ku kkubo
Mu minisipaali y’e Kawempe kizibu okumalako wiiki nga tewali midumu gya kazambi gibomose nga be kikwatako baagambye nti kye baayiga kugenda kulambulawo ne bakuba ebifaananyi oluvunnyuma ne bagenda nga tebalina kye bakozeewo olwo ne bamala ebbanga okudda ate bwe babayamba ne batereeza ekizibu mu bbanga ttono kiba kizzeemu.
Kigongo Mutaasa ssentebe wa Keeti Falawo yagambye nti ab’ekitongole ky’amazzi balwako okujja okutereeza emidumu egiba gibbomose ng’abamu ku bakozi bamanyi n’okusabayo ssente okusobola okutereeza kazambi kye yagambye nti baba tebazirina .
Kazambi eyakulutidde mu maaso ga bizinensi emu e Kawempe.
Omumyuka wa mmeeya e Kawempe Joseph Kibuga yagambye nti kituufu ensonga ya kazambi akulukutira mu nguudo z’omu Kawempe bagimaanyiko ng’era abakulembeze bagenda kutuula basale amagezi okulaba ng’egonjoolwa.
Ssentebe wa Kikuubo zzooni Mpereerwe, Lawrence Bakirabye yagambye nti ngy’oggyeeko kazambi w’emidumu balina abatuuze abaazimba okumpi n’emyala nabo bakoze kinene okuzibukulira kazambi mu myala ekintu eky’obulabe eri obulamu bw’abalalala nga kisoboola okubaviirako okufuna ebirwadde ebiva ku bucaafu.
.