Amawulire
Poliisi ekutte abasajja 3 ku by'okubba ente e Kasangati
ABASAJJA basatu abagambibwa okwenyigira mu kubba ente ssatu, bakwatiddwa poliisi y'e Kasangati .
Poliisi ekutte abasajja 3 ku by'okubba ente e Kasangati
By: Godfrey Kigobero, Journalist @New Vision
ABASAJJA basatu abagambibwa okwenyigira mu kubba ente ssatu, bakwatiddwa poliisi y'e Kasangati .
Abakwatiddwa, kuliko Joseph Ssemakula, Joseph Katabira n'omulala ategeerekese nga Kiwanuka, nga kigambibwa nti baasangiddwa n'ente ssatu nga bazitambuliza mu mmotoka nnamba UAH 843W okuva e Luweero.
Omwogezi wa poliisi mu Kampala, Racheal Kawala, agambye nti abakwate bakkiriza ng'ennamba entuufu ey'emmotoka bweri UAP 661 N ng'eri endala ebadde njingirire.
Mu ngeri y'emu era poliisi e Katwe ekoze ekikwekweto, n'ezuula pikipiki egambibwa okuba enzibe, nnamba puleeti 12 , n'ebyuma bya pikipiki endala e Nnyanama Bunnamwaya.
Kawala agamba nti bayigga ali amabega w'obubbi buno nti kuba yadduse nga baakatuuka ewuwe.