Amawulire

Omukazi eyaviirako Moses Matovu okuttibwa tagenda kuvunaanibwa musango gwona

OMUWAABI wa gavumenti omukulu, Lino Anguzu, avuddeyo n'atangaaza ku mukazi RoseTusiime, eyavaako okuttibwa kw'omuyimbi Moses Matovu, nti tagenda kuggulwaako musango gwonna.

Rose Tumusiime ng'atuuka ku kkooti

By: Bukedde Omusunsuzi, Journalist @NewVision

Bya Stuart Yiga ne Margaret Zalwango

OMUWAABI wa gavumenti omukulu, Lino Anguzu, avuddeyo n'atangaaza ku mukazi RoseTusiime, eyavaako okuttibwa kw'omuyimbi Moses Matovu, nti tagenda kuggulwaako musango gwonna.

Matovu, eyali owa Afrigo band, yattibwa September, 24, 2026, mu zooni ya Kibuli Market, mu divisoni y'e Makindye, agambibwa okuba muganzi wa Tusiime, ayitibwa Arnold Nsamba.

Tumusiime Rose ng'atuuka ku kkooti

Tumusiime Rose ng'atuuka ku kkooti

Wabula, Anguzu, agamba nti, Tusiime agenda kukozesebwa ng'omujulizi omukulu era nga y'ajja okozesebwa okulumiriza Nsamba mu butemu buno, ekiseera ekituufu bwe kinaaba kituuse.

Omuwaabi wa gavumenti okuvaayo, kiddiridde okwemulugunya okubaddewo mu bantu nga beewuunya ensonga lwaki omukazi eyavaako kalunsambulira, ate bwe yalabikako ku kkooti, nga September, 28, teyayingizibwa mu kaguli nga bwe gwaali ku muganziwe Nsamba.

Rose Tumusiime ng'atuuka ku kkooti

Rose Tumusiime ng'atuuka ku kkooti

Nsamba yasomerwa emisango gy'obutemu era n'asindikibwa ku meere e Luzira, wakati mu bukuumi obw'ekitalo, gy'anaava addizibwe mu kkooti nga November, 3rd, 2026.

Anguzu okwogera bino, abadde mu nsisinkano n'Abamawulire, ng'ekitongole ky'akulira kikuba ttooci mu buweereza bwaakyo mu myaka etaano egiyise n'okusala enttotto ku ngeri gye kiyinza okwongera okutumbula obwenkanya mu kkooti eri Bannayuganda.