Amawulire
Be baakutte n'ente mu 'Harrier' basuddewo mmotoka ne badduka!
Poliisi eriko ente bbiri ezirowoozebwa okuba enzibe, z’esuuzizza ababbi nga bazitambuliza mu mmotoka ekika kya Harrier nnamba UAU 758N e Gganda mu Nansana.
Be baakutte n'ente mu 'Harrier' basuddewo mmotoka ne badduka!
By: Godfrey Kigobero, Journalist @New Vision
Poliisi eriko ente bbiri ezirowoozebwa okuba enzibe, z’esuuzizza ababbi nga bazitambuliza mu mmotoka ekika kya Harrier nnamba UAU 758N e Gganda mu Nansana.
Ente zino zombi nkazi era nga zisangiddwa Ganda Nassere mu muluka gw'e Kyebando mu Wakiso nga bazirese mu mmotoka nga bukya era ng'omuyiggo gw'abo abali emabega gugenda mu maaso.
Amyuka omwogezi wa poliisi mu Kampala , Luke Owoyesigyire, agambye nti ente zino maleeto nga kuliko enzirugavu n'endala enzirugavu ng'erimu ebyeru. Agasseeko nti mu mmotoka, basanzeemu ebiso n'ebyuma ebisala enzigi.