Amawulire

Poliisi ekutte 4 ku by'okubba n'okunuuna amafuta e Iganga

Obubbi buno businze kubeera ku luguudo oluva e Jinja okudda e Iganga n'oluva e Igang okudda e Tororo era nga waliwo liita ezisoba mu 600 ezaabadde zibbiddwa.

Poliisi ekutte 4 ku by'okubba n'okunuuna amafuta e Iganga
By: Godfrey Kigobero, Journalist @New Vision

Abantu Bana abagambibwa okwenyigira mu kubba amafuta, poliisi ebakutte e Iganga.

 

Obubbi buno businze kubeera ku luguudo oluva e Jinja okudda e Iganga n'oluva e Igang okudda e Tororo era nga waliwo liita ezisoba mu 600 ezaabadde zibbiddwa.

 

Kigambibwa nti zino, zaakamiddwa okuva mu lukululana ey’amafuta eyabadde esimbiddwa ku ssundiro ly'amafuta mu Naabirye e Nakalama mu Iganga.

 

Abakwatiddwa kuliko Abas Mukama, Aminsi Isiko, Geoffrey Obonyo ne Fahad nga kigambibwa nti baabadde n'ebidomola by'amafuta ebiwera 32, pikipiki okuli nnamba UGE 841V ne UGD 494E, empiira eziyambisibwa okunuuna amafuta, emmotoka n'ebintu ebirala.

 

Omwogezi wa poliisi mu ggwanga, Kituuma Rusoke, alabudde abatambuza, abatunda, abasuubula amafuta n'abagakama mu mmotoka, nti bonna, baakukwatibwa bavunaanibwe ku musango guno ogw’obulabe.

Tags:
Amawulire
Iganga
Mafuta
Kunuuna
Kubba