OBB ereese Eittit mu kifo kya Yakan Guma
Sep 14, 2022
ORANGE Block Busters (OBB) bakyampiyoni ba liigi ya Volleyball abasajja sizoni ewedde balangiridde Luke Einstein Eittit ng’omutendesi wa ttiimu omuggya ku ndagaano ya sizoni nnamba.
By Gerald Kikulwe
Journalist @New Vision
Wiiki ewedde OBB yakutte ku nkoona Lawrence Yakan Guma abadde omutendesi waabwe lwa ttiimu kwolesa mutindo gwa kiboggwe mu z’ekikopo kya National Clubs Championship ezaabadde e Iganga.
OBB abaabadde abategesi ba National Clubs Championship baakubiddwa Sport-S ku fayinolo ate ku wiikendi baatandise bubi sizoni empya ey’omwaka guno era Sport-S yabawangudde mu kisaawe kya MTN Arena e Lugogo.
Eittit eyabeerako omuzannyi wa Sport-S mu 2008, ye mumyuka w’omutendesi wa ttiimu y’eggwanga eya Volleyball Cranes. Waakumyukibwa Daniel Kazibwe naye avunaanyizibwa ku kozesa dduyiro ku ttiimu y’eggwanga ey’abasajja ba Volleyball.
Luke Einstein Eitti
No Comment